Roterande laser

Ein roterande laser blir brukt til å setje ut høgder. Instrumentet blir montert i lodd på eit stativ. Høgda blir justert inn i forhold til eit fastpunkt med kjent høgd. Inne i laseren er det ei lyskjelde som roterer rundt og teiknar ein strek som blir brukt til å setje ut nye høgder. Ein kan også ha ein mottakar som gir lyd når han er i same høgd som lysstrålen. Dette er praktisk når ein skal setje ut fleire høgdespikrar for støypehøgd.