Kor mykje kostar det å bu for seg sjølv?

Ved leige av bustad

Husleige blir vanlegvis betalt ein gong i månaden. I tillegg må du som oftast betale inn eit depositum når du flyttar inn i bustaden. Du treng òg innbuforsikring.

Ved kjøp av bustad

Har du kjøpt bustad, må du kvar månad betale renter og avdrag på lånet ditt. Har du kjøpt leilegheit i eit burettslag, må du òg betale felleskostnader, som skal dekkje eventuell fellesgjeld og vedlikehaldsutgifter.

I tillegg kjem kommunale avgifter og forsikring av bustad. Du treng både husforsikring og innbuforsikring.

Straum

Uavhengig av buform må du betale straum. Berre unntaksvis er det inkludert i husleiga.

Reiseforsikring bør du ha, så om du ikkje er dekt av reiseforsikringa til familien, bør du kjøpe di eiga. Reiseforsikring for familiar dekkjer ofte ungdommar opp til 20–22 år.

I snitt brukte studentar 3.316 kroner i månaden på mat i 2019, ifølgje ei undersøking gjennomført av Respons Analyse for DNB. Dette gjer mat til den nest største utgifta etter bustad.

Kor stort matbudsjett folk har, varierer veldig. Det kjem an på både kor mykje folk et, og ikkje minst kva type matvarer dei kjøper. Det kan vere lurt å planleggje og handle for ei veke om gongen, og å unngå impulskjøp. Ta med matpakke, så bruker du mindre pengar i kantina.

Har du bil, må du budsjettere med drivstoffkostnader, forsikring, reparasjonar og parkering. Viss ikkje treng du kanskje månadskort på buss, bane eller tog?

Mobilabonnement, internett, musikk og straumetenester må du òg hugse å ta med i månadsbudsjettet ditt.

Her er det store variasjonar på kor mykje ungdommar brukar. Nokon sparer pengar ved å ha shoppe-stopp, andre handlar brukt eller syr sjølve.

Under denne budsjettposten inngår eventuelle kontingentar, sosiale aktivitetar, feriar og liknande.

• SIFOs referansebudsjett (Oslomet)
• 7 ting en oppdager når en flytter hjemmefra (Høyskolen Kristiania sin studentblogg)
• Ta kontroll over økonomien din og test din egen kunnskap (økonomilappen.no)