Uansett om du vil bli kokk, servitør eller ferskvarehandlar, må du ha god kunnskap om ulike råvarer og tillagingsteknikkar, næringsinnhald og ein berekraftig produksjon.

Mettingsgarnityret er den delen av måltidet som skal gjere deg mett, og det mest nytta er poteter, pasta, ris og brød. Det har òg vorte vanlegare å nytte andre typar mettingsgarnityr, som bønner, linser, couscous og polenta for å nemne nokre.

Tradisjonelt er det poteter, pasta og ris som har hatt rolla som mettingsgarnityr, men det har etter kvart vorte meir vanleg å variere med ulike typar. Råvarer som bønner, linser, bulgur, couscous og byggryn er døme på nyare typar mettingsgarnityr.