Hopp til innhald
Oppgåve

Øv deg på å nytte andre metningsgarnityr

Potet er det mest nytta metningsgarnityret i det tradisjonelle kjøkkenet, men også ris og pasta er populært. I denne oppgåva skal du øve deg på å nytte andre metningsgarnityr enn den tradisjonelle poteta.
Ei skål med steikt laks og ein salat med spelt, tomat og spinat. Foto.
Steikt laks og salat av spelt, spinat og tomat. Bilete: Zuzanna Ploch / CC BY-NC 4.0

Oppgåve 1

Finn ut kva som blir meint med andre metningsgarnityr enn potet, og kva "nyare" metningsgarnityr er.

Finn oppskrifter på diverse "nyare" metningsgarnityr.

Oppgåve 2

Læraren deler klassen inn i tre grupper som førebur seg ved å finne oppskrifter til kvar si oppgåve.

  • Gruppe 1: Lag ein tradisjonell fiskerett med to grønsakstillagingar, valfri saus og metningsgarnityr som ikkje er laga av potet.

  • Gruppe 2: Lag ein rett av kyllingbrystfilet, to grønsakstillagingar, valfri saus og metningsgarnityr som ikkje er laga av potet.

  • Gruppe 3: Lag ein rett med ytrefilet av okse eller vilt, to grønsakstillagingar, valfri saus og metningsgarnityr som ikkje er laga av potet.

Oppgåve 3

Kvar gruppe presenterer retten dei har laga, for resten av klassen på ein buffé. Forklar kvifor de valde det metningsgarnityret de valde. Alle skal smake på alle rettane.

Oppgåve 4

Vurder dei rettane du har smakt på. Korleis synest du rettane vart utan den tradisjonelle poteta? Er det nokon av rettane som fungerte godt utan potet? Sakna du potet i nokon av rettane?