Fagartikkel
Korn og frø som metningsgarnityr
Ikkje eit vondt ord om verken poteter, pasta eller ris, men det kan vere gøy å variere metningsgarnityret litt og tilføre retten andre smakar og konsistensar.
Bilete: NTB, Bon Appetit / CC BY-NC 4.0
Couscous, bulgur, polenta, quinoa, byggryn og perlespelt er døme på ulike produkt av korn og frø som kan nyttast som alternativ til dei tradisjonelle metningsgarnityra.
Dei fleste korn- og frøtypane smaker ikkje så mykje i seg sjølv, og bør derfor tilførast smak. Det kan du gjere ved å koke dei i kraft, lauk og krydder, eller ved å tilsetje urter, krydder, grønsaker og dressingar etter kokinga.
Mange av desse korn- og frøprodukta er sunne alternativ til både ris, pasta og poteter, sidan dei inneheld mykje fiber og protein.