Uansett om du vil bli kokk, servitør eller ferskvarehandlar, må du ha god kunnskap om ulike råvarer og tillagingsteknikkar, næringsinnhald og ein berekraftig produksjon.

Egg som råvare er heilt spesielt: Det har eigenskapar som gjer at vi kan heve kaker, tjukne sausar og supper, binde farsar og få feitt og vatn til å blande seg i majones. I tillegg smaker egg veldig godt og er svært næringsrikt. Derfor blir egg ofte servert som ein rett i seg sjølv.