I denne oppgåva skal du jobbe med egg. Denne råvara kan lagast til på mange ulike måtar og gir kroppen dei fleste næringsstoffa vi treng.
Del 1
Gå saman i grupper på tre eller fire elevar. De skal nå lage forslag til tre ulike rettar der egg er hovudråvara. I tillegg til egg skal retten innehalde grønsaker, brød og ein saus. Dette skal vere ein lunsjrett.
Del 2
Planlegg og produser éin av dei tre rettane gruppa kom med forslag til i del 1. De skal presentere retten for resten av klassen på ein buffé. Alle elevane skal så vurdere rettane etter smak, konsistens og utsjånad. Kva rett vart den beste?
Del 3
Kva drikke passar til den retten de har presentert? Kom med forslag til både varm og kald drikke.
Del 4
Legg heile retten inn i Kostholdsplanleggeren. Finn ut kva næringsstoff denne retten inneheld. Kva kan du eventuelt endre på for at denne retten skal passe inn i dei nasjonale kosthaldsråda?
CC BY-SASkrive av Einar Martin Kålen.
Sist fagleg oppdatert 04.01.2023