Egg – tillagingsmetodar

CC BY-NC-SA

Bilete: Svein Grønvold

Pisk saman egg, fløyte, salt og eventuelt garnityr. Steik på svak varme mens du rører forsiktig. Eggerøra skal ha ein fuktig konsistens når ho er ferdig.

Smør runde, høge porsjonsformer av aluminium godt. Ha i garnityret som skal vere med i forma. Legg eitt egg i kvar form, og posjer det i vassbad i cirka 8 minutt. Kvelv egget ut av forma og legg det eventuelt fint opp med garnityr og saus.

Bruk helst friske egg. Knus først egget forsiktig i ein kopp. Ha egget i frityren. Samle kviten rundt plomma med to tresleiver. Server eventuelt med garnityr og saus.

CC BY-NC-SA

Bilete: Trygve Indrelid

Avkjøl kokte egg og reins dei for skal. Egga skal serverast kalde, anten med fyll eller med forskjellig garnityr alt etter kva oppskrifta krev.

Smør låge porsjonsformer i porselen godt. Ha eitt egg i kvar form og posjer i vassbad i omn i cirka 4 minutt. Server egget med forskjellige garnityr og sausar alt etter kva oppskrifta krev.

Legg egga i en kasserolle med vatn og start tida når vatnet koker. Når koketida er slutt, ta opp egga og kjøl dei ned i kaldt vatn.

Du kan òg koke opp vatn først, ha i egga og koke i den tilviste tida.

• blautkokt egg: 3–5 minutt

• smilande egg: 6–8 minutt

• hardkokt egg: 8–10 minutt

Kok egget i 6–7 minutt. Reins det for skal og varm det raskt opp igjen i varmt vatn med salt. Server egget med forskjellige garnityr og sausar alt etter kva oppskrifta krev.

CC BY

Bilete: Jules

Omelett blir laga av egg, vatn (eller fløyte), smaksstoff og garnityr. Han blir vanlegvis steikt i porsjonsomelettar (à la carte). Omeletten skal steikjast i panne mens du rører frå botnen. Ved slutten av steikinga arbeider vi omeletten over til den eine sida av panna og formar han som ein halvmåne. Samtidig blir undersida steikt gyllen. Omeletten blir kvelva på eit fat eller ein tallerken.

Omelettar blir delte inn i:

• omelett med frest garnityr i massen
• omelett fylt med garnityr
• ferdigsteikt omelett som skal fyllast
• flat omelett

Omelett med frest garnityr i massen

CC BY-NC-SA

Bilete: Magnar Kirknes

Garnityret blir frest før vi tek det i omelettrøra.

Omelett fylt med garnityr

Legg garnityret i midten før du brettar omeletten saman til ein halvmåne.

Ferdigsteikt omelett som skal fyllast

Legg omeletten på eit fat eller ein tallerken og snitt han på baksida. Fyll han så med garnityr, til dømes soppstuing.

Flat omelett

Fres garnityr i steikjepanne. Hell så omelettrøra over, og steik ferdig på svak varme anten i panna eller i steikjeomn.

Knus eit egg i ein kopp og legg det forsiktig oppi kokande posjeringsvatn (vatn, eddik og salt). Samle kviten rundt plomma med ein gaffel og posjer i cirka 2–3 minutt. Ta opp egget og legg det i kaldt vatn. Lag til egget og server det med forskjellige garnityr og sausar alt etter kva oppskrifta krev.

CC BY-NC-SA

Bilete: Sigmund Krøvel-Velle

Egget bør vere friskt, og det skal steikjast i klara smør eller margarin i ei steikjepanne. Ikkje la feittet bli brunt, og ikkje steik på for sterk varme. Speilegget kan serverast med forskjellige garnityr alt etter kva oppskrifta krev.