Uansett om du vil bli kokk, servitør eller ferskvarehandlar, må du ha god kunnskap om ulike råvarer og tillagingsteknikkar, næringsinnhald og ein berekraftig produksjon.

Mettingsgarnityret er den delen av måltidet som skal gjere deg mett, og det mest nytta er poteter, pasta, ris og brød. Det har òg vorte vanlegare å nytte andre typar mettingsgarnityr, som bønner, linser, couscous og polenta for å nemne nokre.

Pasta er eit nøytralt mettingsgarnityr som passar saman med det meste av andre råvarer. Pasta kan serverast som tilbehøyr til kjøt eller fisk, i eigne pastarettar, i salatar og i supper.