I arbeid med barn og unge skal vi ta vare på behovet til barn for omsorg og leik og fremje læring og danning. Dette utgjer ein heilskapleg pedagogikk. Vi må observere og planleggje, reflektere og vurdere for å sikre det pedagogiske arbeidet.

Som barne- og ungdomsarbeidar skal du i det pedagogiske arbeidet kunne planleggje, gjennomføre, vurdere og dokumentere ulike aktivitetar som fremjar god heilskapleg helse. Slike aktivitetar kan vere av praktisk-estetisk art, fysiske leikar, samtalar om spennande tema eller ulike sosiale aktivitetar.