I arbeid med barn og unge skal vi ta vare på behovet til barn for omsorg og leik og fremje læring og danning. Dette utgjer ein heilskapleg pedagogikk. Vi må observere og planleggje, reflektere og vurdere for å sikre det pedagogiske arbeidet.

Å ha kjennskap til kva som kan bidra til motivasjon, er naudsynt i det pedagogiske arbeidet. Når du kjenner til ulike teoriar om motivasjon, kan du tenkje gjennom og grunngi vala dine og handle på ein meir systematisk måte.