Hopp til innhald

Fagstoff

Barbering

Barbering er ein del av det daglege stellet til mannen. Enkelte føretrekkjer barbermaskin, mens andre ønskjer å nytte barberhøvel, kost og såpe.
Kvinneleg helsefagarbeidar barberer ein eldre mann med barbermaskin. Foto.
Opne bilete i eit nytt vindauge
CC BY-NC-SA
Bilete: Heiko Junge

Nødvendig utstyr

  • barbermaskin eller
  • barberhøvel, kost, såpe eller barberskum
  • handkle, spegel
  • etterbarberingsvatn eller ein krem

Prosedyre

Ved bruk av høvel:

  • Utfør prosedyre for god handhygiene.
  • Legg eit handkle rundt halsen til pasienten.
  • Fukt huda med lunke vatn.
  • Stryk barberskum utover huda eller stryk barbersåpe utover med kosten.
  • Stram huda med den eine handa.
  • Barber med skjeggveksten.
  • Skyl høvelen ofte i lunke vatn.
  • Etter barberinga skyl du huda med lunke vatn til alle såperestane er borte, så tørkar du huda godt.
  • Ta eventuelt på etterbarberingsvatn eller krem dersom brukaren ønskjer det.
  • Vask utstyret.
  • Utfør prosedyre for god handhygiene.

Ved bruk av maskin:

  • Utfør prosedyre for god handhygiene.
  • Stram huda med den eine handa.
  • Før maskina med roterande rørsler.
  • Barber ansiktet og halsen.
  • Ta på etterbarberingsvatn eller ein krem dersom brukaren ønskjer det.
  • Reingjer maskina ved å opne og tømme ho. Børst forsiktig skjegg ut av maskina.
  • Følg bruksrettleiinga til maskina for grundigare reinhald.

Utfordringar til deg

  1. Kor ofte kan det vere nødvendig med grundig reinhald av barbermaskina?
  2. Kvifor er det nødvendig å stramme huda under barberinga?
  3. Spør ein du kjenner, om du kan få prøve å barbere han. Be om tilbakemeldingar undervegs. Noter dei tilbakemeldingane du får. Kva var det viktigaste du lærte av dette?
CC BY-NC-SASkrive av Marit Smith Sørhøy og Lillian Brønseth.
Sist fagleg oppdatert 04.11.2021

Læringsressursar

Prosedyrar i grunnleggjande sjukepleie