Bekken i seng

Det å ikkje ha moglegheita til å gå på toalettet sjølv kan ofte vere ei mental belastning for pasienten. Vi ønsker alle å klare oss mest mogleg på eiga hand. Å kvitte seg med urin og avføring (eliminasjon) er viktig for ein normal tarmfunksjon, og det er samtidig noko dei fleste reknar som privat og intimt.

Det finst to typar bekken: vanleg bekken i stål og eit mindre spissbekken i plast. Spissbekken blir ofte brukt for pasientar som er svært tynne eller av ulike årsaker har vanskar med å bevege seg.

• stellefrakk

• hanskar

• bekken

• toalettpapir

• eventuelt vaskeklut og vaskefat eller eingongsklutar med vaskekrem

Prosedyre ved ryggleie:

• Plasser ryggstøtta i senga i cirka 20 gradars vinkel.

• Be pasienten bøye knea og løfte hofta.

• Støtt pasienten under korsryggen.

• Plasser bekkenet under setet.

Viss pasient har store smerter eller er immobil, blir det gjennomført bruk av bekken frå sideleie. Då er prosedyren slik:

• Plasser bekkenet mot seteballane.

• Press bekkenet ned i underlaget.

• Hald bekkenet på plass og rull pasienten tilbake i ryggleie.

Når pasienten er ferdig:

• Tørk vekk restar etter avføring. Først framme, ovanfrå og ned. Dette er viktig for å unngå at bakteriar frå endetarmen kjem i kontakt med urinvegsopninga og forårsakar urinvegsinfeksjon.

• Legg pasienten på sida, for å tørke godt bak, med retning framanfrå og bakover, til det er reint.

• Rydd opp, kast avfall og gjer utstyret reint.

• Utfør handhygiene.

Prosedyre for å gi og ta bekken og spissbekken er dei same, men hugs å feste gummitoppen på spissbekkenet før det blir nytta slik at ikkje urin renn ut i senga.