Topola brytar

Ein topola brytar gir allpolig brot – det vil seie at utstyret blir fullstendig utan spenningspotensial når brytaren er av – og blir derfor brukt i alle situasjonar der normer og forskrifter tilrår dette.

Dette er eigentleg i situasjonar med elektrisk utstyr installert i omgivnader der overgangsresistansen til jordpotensialet er mindre enn 50 kΩ. Typiske område er våtrom, kjøkken, bad, garasjar og alle utandørs installasjonar (t.d. utelys).

Men det kan òg vere i andre rom, til dømes om du av ein eller annan grunn har uisolerte koparrøyr utanpå veggen i stova eller på soverommet, eller dersom andre forhold gjer at overgangsresistansen til jordpotensialet blir mindre enn normalt.