Open installasjon

Ein open elektrisk installasjon blir kalla open fordi ein i slike installasjonar legg elektriske kablar utanpå veggen.

Det er den vanlegaste måten å utføre endringar eller utvidingar i allereie eksisterande elektriske anlegg på, fordi ein til dømes kan fornye eller utvide eit gammalt elektrisk anlegg utan å rive ned tak og veggar.

For å utføre ein fagmessig open elektrisk installasjon trengst det ein del trening for at det skal sjå fint og ryddig ut, og du treng spesiallagd innslagsverktøy og festemateriell.