Raudspette

Raudspetta vert rekna som ein stadbunden art, men når gytetida nærmar seg, kan ho vandre langt til bestemte gyteplassar. Dei viktigaste gytefelta for raudspette i Nordsjøen er sør for Doggerbank, der ho oppheld seg mellom november og april. Yngelen sym fritt rundt i havet og vert ikkje flatfisk før dei er blitt 15 mm lange. Då søkjer dei ned og lever resten av livet på botnen.

Bestanden av raudspette er ikkje tilfredsstillande, og forvaltningsplanane har som mål å byggja opp ein berekraftig bestand igjen.

Raudspette vert fiska med botntrål, snurrevad eller botngarn.

Raudspetta vert seld fersk som heil fisk og filetar eller som frosne filetar. Raudspetta kan steikjast, kokast og grillast. Ho kan òg panerast og frityrsteikjast, og ho vert servert med pommes frites som den kjende retten fish and chips.

Raudspette inneheld vitamin A og D.

Sjå Matvaretabellen frå Mattilsynet for nærare opplysningar om næringsinnhaldet.