Oppgåve
Oppgåver til filmen IRL
IRL er ein svensk spelefilm frå 2013 om nettspel, mobbing og sosiale medium. Her er diskusjonsoppgåver til filmen.
- Kva gjorde mest inntrykk på deg i filmen?
- Kjenner du til liknande historier frå din eigen skule?
- Kvifor trur du filmen har fått tittelen IRL?
- På kva måte belyser filmen temaet identitet, og det å ikkje passe inn?
- I filmen blir det nytta eit forteljargrep som tidvis gjer det vanskeleg å skilje mellom kva som er faktisk handling, og kva som skjer i hovudet på Elias. Kva for nokre eksempel finn du på dette?
- Heilt i starten av filmen ser vi eit kort klipp frå eit intervju med faren til Elias. Dette er rammeforteljinga til filmen. Rammeforteljinga, der faren snakkar inn i kamera, dukkar opp fleire gonger i filmen. I kva for samanheng er intervjuet gjort?
- Kvifor trur du faren og Elias valde denne løysinga?
- Mange koplar valdelege dataspel til mobbing og valdshandlingar i det verkelege livet. Trur du valdelege dataspel kan føre til meir vald?