Utanforskap er meir enn det å kjenne seg einsam. Det kan ramme enkeltpersonar eller heile grupper av menneske som fell utanfor – til dømes ved at dei ikkje får jobb, droppar ut av skulen, eller at dei ikkje forstår språket. Det påverkar korleis dei meistrar livet sitt, men også menneska dei har rundt seg – som familien og nære venner.
Somme kan òg velje å stå utanfor og ta avstand til normene som finst i fellesskapen. Ved å lage sine eigne reglar markerer dei motstand mot det etablerte. Viss det skjer med grupper av menneske, kan det oppstå parallelle samfunn.
Språk kan vere med på å forsterke utanforskapen, som når vi definerer "oss" mot "dei andre". Men språk kan òg inkludere, som når vi snakkar om eit større "vi" og "oss".
Les meir om utanforskap i artikkelen frå samfunnskunnskap:
Relatert innhald
Kjelde
Tjora, Aksel. (2018, 10. mai). Utenforskap. I Store norske leksikon. Henta 9. januar 2020 frå https://snl.no/utenforskap