Forbruk og kasting av bananar
Det blir kasta for mykje mat i Noreg og verda i dag. Dette er ikkje berekraftig, og ei endring må til. Ein av tinga vi kastar mykje av, er bananar.
I NRK-serien Matsjokket ønskjer meisterkokken Christer Rødseth å rette søkjelyset på matsvinnet i Noreg, og finne løysingar for å redusere matsvinnproblematikken. I episoden nedanfor blir e-sportutøvaren Joachim Haraldsen utfordra til å kaste færre bananar.
Jobb i grupper.
Finn ut flest mogleg fakta om bananen, og lag ein digital plakat om bananar.
🍌
Ta kontakt med ein eller fleire daglegvareforretningar, og høyr om de kan få bananane som skulle ha vore kasta denne veka.
Finn oppskrifter til rettar de kan lage av bananar, og vel ut nokre av oppskriftene de vil teste. Har de til dømes høyrt om nice cream?
Ver kreativ og finn på ein eller fleire eigne oppskrifter, der de kan bruke bananar. Lag gjerne namn på dei nye oppskriftene.
Lag ein film som de til dømes kan kalle "5 hacks som reddar bananane". Vis fram filmen for klassen.
Relatert innhald
Vi forbrukarar er ikkje flinke nok til å ete opp maten vi kjøper. Kvar åttande berepose med mat som vi kjøper, går rett i søpla igjen.