Oppgåve
Kva skjer på Stortinget?
Skjer det noko på Stortinget akkurat no? Forstår du noko av det?
Bilete: Cornelius Poppe / CC BY-NC-SA 4.0
Gå inn på Stortinget si live-sending og sjå på kva som skjer der. Viss det ikkje er noka sending akkurat no, kan du gå inn i Stortinget sitt videoarkiv og sjå på siste møte. Sjå omtrent ti minutt av sendinga. Viss du vil, kan du kan spole tilbake i livesendinga for å få med deg byrjinga av saka.
- Kva går saka ut på? Gjer vidare undersøkingar ved å lese om saka i Stortinget sin dagsorden.
- Gjer eit nettsøk og prøv å finne ut om saka er omtalt i media. Kvifor / kvifor ikkje, trur du?
- Gjeld saka deg eller nokon du kjenner på nokon måte? Kven trur du denne saka gjeld mest?
- Korleis går behandlinga av saka føre seg i Stortinget? Beskriv det du ser i sendinga.
- Er det noko ved det som skjer på Stortinget som du synest er rart, interessant eller som du ikkje forstår? Noter ned eit par døme.
Del det de har funne i klassen eller i grupper.