Styringsnivåa
I Noreg har vi tre styringsnivå:
- Staten
- Fylkeskommunane
- Kommunane
Staten består av Stortinget, regjeringa og statsforvaltninga, og er det nasjonale styringsorganet. Fylkeskommunane utgjer dei regionale styringsorgana, medan kommunane kallar vi for dei lokale styringsorgana.
Staten har hovudansvar for politikk og lovgiving på alle område, men har delegert styresmakta på ein del område til dei regionale og lokale styringsorgana. I tabellen under ser du ei oversikt over oppgåvene kommunane og fylka har fått delegerte. Oppgåvene til staten på dei ulike områda er svært mange, så her har vi berre ført opp nokre døme.
Område | Kommune | Fylke | Stat |
|---|---|---|---|
Utdanning | Barnehage Grunnskule Skulefritidsordning Spesialundervisning for funksjonshemma | Vidaregåande skule Voksenopplæring | Læreplanar Statens lånekasse for utdanning Universitet Høgskular |
Helse og sosial | Allmennlegeteneste Legevakt Skulehelseteneste Jordmorteneste Heimehjelp og heimesjukepleie Alders- og sjukeheim Barnevern Sosialhjelp (NAV) | Tannhelseteneste Integrering av innvandrarar gjennom m.a. opplæring, sysselsetjing og førebygging av negativ sosial kontroll. | Sjukehus Arbeid, trygd og pensjon (NAV) |
Samferdsel og tekniske oppgåver | Lokale vegar Vatn, kloakk og renovasjon Brann- og feiarvesen Forvaltning og planstyresmakt Lokalt miljøvern | Fylkesvegar Vegvesenet Skuleskyss Trafikktryggleiksarbeid | Riksvegar Europavegar Jernbane Luftfart Kystverket Post Straumnettet Statens kartverk |
Kultur og fritid | Kyrkjer og kyrkjegardar Fritidsklubbar Folkebiblioteket | Fylkesbibliotek Kulturminne | Nasjonalbiblioteket NRK Nationaltheatret Den Norske Opera og Ballett |
Næringsliv og landbruk | Ønsker som regel å legge til rette for næringsutvikling, men har ingen lovpålagte oppgåver. | Etablerartilskot | Set rammer for og gir tilskot til: næringslivet fiskeri landbruk Driv statlege verksemder, t.d.: Statskog Statkraft Enova Mesta Equinor (67% statleg) Telenor (54% statleg) |
Andre oppgåver | Lagar lover Utanrikspolitikk Forsvar Politi Domstolar Arbeidstilsynet Mattilsynet Skatteetaten Bistand Klimapolitikk Miljøvern |
Relatert innhald
Kva har kommunen ansvar for? Korleis blir ein kommune styrt? Korleis får kommunene inntekter?