Hopp til innhald
Oppgåve

Samanlikn vestlege religionar

I denne oppgåva skal du utforske nokre av dei trekka vestlege religionar har til felles.
Abraham omgitt av familie og husdyr. Nokre sit på kamel, andre går. Dei har alle fargerike klede på seg. Det er vaksne, barn, sauer og lam til stades. Nokre barn sit på fanget til nokre kvinner. Ein mann har eit lam rundt nakken. Måleri.
Historia om Abraham er sentral både i jødedommen, kristendommen og islam. (Ábrahám kiköltözése [Abrahams avreise] av József Molnár). Bilete: József Molnár / Offentleg eige

Kristendommen, islam og jødedommen er alle monoteistiske religionar. Dei tre religionane blir også kalla for dei abrahamittiske religionane.

Oppgåve 1. Monoteisme

  1. Kva betyr det at ein religion er monoteistisk?

  2. Dei tre religionane tek omsyn til monoteisme på litt ulike måtar. Finn ut kva forskjellane går ut på.

Oppgåve 2. Abrahams rolle i kristendommen, jødedommen og islam

  1. Kva er meint med at Abraham er stamfar?

  2. I kristendommen og jødedommen blir Abraham beden om å ofre Isak, mens i islam blir han beden om å ofre Ismael. Kva er grunnen til det?

  3. Undersøk kva rolle Abraham speler i dei islamske ritane under pilegrimsreisa til Mekka.

  4. Historia om Abraham er grunnlaget for omskjeringa av gutar i dei abrahamittiske religionane. Undersøk kva som er bakgrunnen for skikken, og korleis dei tre religionane tek omsyn til han.