Eit godt måltid består av mat og drikke som er nøye sette saman, og der det er ein fin balanse mellom grunnsmakane. I dette emnet vil du lære meir om smak og sensorikk, dei ulike drikkevarene og korleis du komponerer ein meny.

Mat og drikke heng nøye saman. Ein god drikk som passar til maten, kan løfte heile måltidsopplevinga. I dette emnet vil du lære om produksjonsmetodar, bruksområde og tillaging av ulike drikkevarer.

Vin er ein gammal kulturdrikk framstilt av gjæra druesaft. Det ligg mykje arbeid bak ei flaske vin, heile produksjonsprosessen kan ta frå månader til fleire år. Vin finst i ulike typar, og vi kan derfor klare å kombinere vin med dei fleste matrettar.