Fagartikkel

Fruktvin

Fruktvin kan lagast av alle typar frukt og bær utanom druer.

Mykje nytta råstoff er rabarbra, rips, solbær, kirsebær, eple, fikenar, rosiner og løvetann.
Før gjæringa startar, må bæra knusast og frukta malast. Denne massen må ein så helle kokande vatn over eller svovle for å drepe uønskt gjær.
Så tilset ein kultivert vingjær og litt sukker. Dette er som du kanskje hugsar, ikkje naudsynt med druevin. Med slik vingjær kan ein oppnå ein vin på over 20 prosent.
Etter eit par dagar startar det vi kallar stormgjæring, som varer i ca. 3 dagar.
Så blir mosten pressa frå råstoffet, og den stille gjæringa held fram i 4–12 veker, alt etter temperatur og sukkerinnhald. Heile sukkermengda blir tilsett i to til tre omgangar.
Dei fruktvinane som blir selde i Noreg, har ein alkoholprosent på mellom 8 og 16.