I alle institusjonar ein barne- og ungdomsarbeidar kan jobbe ved, vil det å stimulere til utvikling og læring vere ein vesentleg del av arbeidet. For å kunne gjere dette må du ha kunnskap og kompetanse om kva som gir barn gode utviklings- og læringsvilkår.

Det er nær samanheng mellom sosial og emosjonell utvikling. Den emosjonelle utviklinga dannar grunnlaget for den sosiale utviklinga. Kunnskap om sosial og emosjonell utvikling vil bidra til at du kan støtte og stimulere denne utviklinga hos barn og unge.