I alle institusjonar ein barne- og ungdomsarbeidar kan jobbe ved, vil det å stimulere til utvikling og læring vere ein vesentleg del av arbeidet. For å kunne gjere dette må du ha kunnskap og kompetanse om kva som gir barn gode utviklings- og læringsvilkår.

Kognitiv utvikling handlar om korleis vi utviklar evnene våre til å omarbeide sanseinntrykk, tenkje og til å løyse problem. Det å vite korleis hjernen reagerer i møte med ulike ytre stimuli, er nyttig for å kunne hjelpe og støtte barn og unge på best mogleg måte.