I alle institusjonar ein barne- og ungdomsarbeidar kan jobbe ved, vil det å stimulere til utvikling og læring vere ein vesentleg del av arbeidet. For å kunne gjere dette må du ha kunnskap og kompetanse om kva som gir barn gode utviklings- og læringsvilkår.

For at barn og unge skal utvikle eit positivt forhold til sin eigen seksualitet og kropp, er det viktig at dei møter kloke barne- og ungdomsarbeidarar som har kunnskap om seksuell utvikling. Når du har sett deg godt inn i temaet, kan du bli ein viktig støttespelar for barn og unge.