Å snakke om og setje ord på kjensler hjelper barn til å utvikle den emosjonelle kompetansen sin. Å nytte bøker som inspirasjonskjelde til samtalar, leik og aktivitet kan bidra til å hjelpe barna til å samtale om kjensler. I denne oppgåva skal du presentere ei bok om kjensler.
Oppgåver
- Lån ei bok om kjensler på biblioteket.
- Presenter boka: tittel, forfattar, forlag, sidetal, publiseringsår. Lag eit handlingsreferat.
- Kva aldersgruppe meiner du boka passar for? Grunngi kvifor du meiner ho passar til denne aldersgruppa.
- Korleis vil du presentere denne boka for ei barnegruppe? Stor gruppe, lita gruppe, inne/ute, nytte konkretar for å gjere boka levande, fortelje eller lese, la barna sjå på bileta og la dei fortelje kva dei trur skjer undervegs, og liknande.
- Forklar korleis boka kan nyttast for å styrkje den emosjonelle kompetansen til barn.
- Forklar korleis du kan nytte boka til å gjere andre aktivitetar. Song, musikk, rim/regler, drama, rollespel, film, dans, forming, la barna lage eigne historier og så vidare.
- Korleis vil du dokumentere i barnehagen, SFO eller i fritidsklubben at de jobbar med denne boka?
CC BY-SASkrive av Siv Stai.
Sist fagleg oppdatert 02.02.2021