Uansett om du vil bli kokk, servitør eller ferskvarehandlar, må du ha god kunnskap om ulike råvarer og tillagingsteknikkar, næringsinnhald og ein berekraftig produksjon.

Sukker, smør, fløyte, sjokolade, frukt og bær – fantastiske råvarer som kan skape himmelske dessertar. Du kan lage dei til på ulike vis, servere dei varme eller kalde, og dei smakar nesten alltid godt.

Det finst mange måtar å lage dessertar på. I dette emnet skal vi sjå på nokre av dessertane vi serverer varme. Varme dessertar blir gjerne serverte saman med kalde dessertar. Ei varm bærsuppe smaker til dømes herleg med litt is eller piska krem.