Målet med denne oppgåva er at du skal vise at du kan nytte ulike tillagingsmetodar for dessertar.
Informasjon om oppgåvene
Klassen blir delt inn i grupper på tre eller fire elevar. Den teoretiske oppgåva blir løyst som ei kombinert skuleoppgåve og heimearbeid. Den praktiske oppgåva blir løyst på skulen.
Teoretisk oppgåve
De skal setje opp eit forslag til ein ny dessertmeny for Ternen restaurant i Kristiansand. Kjøkkensjefen ønskjer seks ulike dessertar som passar i julesesongen.
Han påpeikar at han ønskjer variasjon mellom varme og kalde dessertar.
Det må følgje med oppskrift til alle forslaga. Desse blir leverte inn til avtalt tid for rettleiing og tilbakemelding.
Utrekning av mengde: fire personar.
Praktisk oppgåve
Gruppene lagar to av dessertane frå den teoretiske delen. Kvar dessert skal bereknast til fire personar.
Etter avtale med læraren skal alle dessertar bli serverte til prøvesmaking. Som oppsummering av undervisningsøkta skal kvar gruppe forklare framgangsmåten for dessertane sine for resten av klassen.
Tidspunkt for servering blir avtalt med læraren.
Vurdering
Oppgåva blir vurdert etter
- smak og konsistens på dessertane
- heilskapleg inntrykk av dessertforslaga
- variasjon i smak, farge og tillagingsmetodar