Varme dessertar med frukt

Bruk faste frukter som eple og pærer.

• Skrell frukta og ta ut kjernehuset.
• Fyll kjernehuset med til dømes sukker og kanel.
• Steik frukta i ei smurd form i omnen med litt sukkerlake i botnen.
• Du kan òg bake inn frukta i butterdeig før du steiker ho i omnen.
• Steik i cirka 10–20 minutt ved 200 °C.

• Skrell frukta, fjern kjernehus og del frukta i båtar eller skiver.
• Kok ein sukkerlake med eventuelle smaksstoff.
• Posjer frukta i den varme sukkerlaken til frukta har vorte passe mjuk.
• Server lun eller avkjølt med saus eller is.

• Skrell frukta, fjern kjernehus og del i mindre bitar.
• Varm ei panne og steik frukta gyllen i smør.
• Ha på sukker og eventuelle smaksstoff, og smelt sukkeret slik at det blir lett karamellisert.
• Server lun eller avkjølt med saus eller is.

Fruktbeignet er frukt som blir dyppa i ei frityrrøre og steikt i frityrfeitt. Vi nyttar ofte frukt som eple, pære, ananas, banan og liknande til dette.

• Skrell frukta, kutt ho i fine skiver eller bitar, og marinar eventuelt i likør.
• Tørk frukta godt før du dyppar ho i frityrrøre og steikjer ho i nytt frityrfeitt ved 180 °C.
• Steik til ho er gyllen, og legg ho på porøst papir.
• Du kan òg drysse med melis og glasere i salamander.
• Server med ein dessertsaus eller is.

I denne videoen får du sjå korleis du lagar posjert pære og fruktbeignet av ananas.