Forsøk: Kvar får paprika fargen frå?
Bli kjend med dei celleorganellane som gir farge til paprika, og undersøk samanhengen mellom cellestruktur og funksjon.
Lag eit mikroskopipreparat for kvar paprikafarge.
- Skjer eit tynt tverrsnitt gjennom fruktkjøttet. Prøv å få snitta så tynne som mogleg, helst tynnare enn 1 mm. Det er lurt å lage fleire snitt samtidig, då er sjansen større for å få eit fint preparat.
- Legg preparatet på objektglas, tilsett nokre dropar vatn og plassar dekkglaset slik at du ikkje får nokon luftbobler under glaset.
Mikroskopbilete av kromoplastar i raud paprika. Bilete: green.thumbs / CC BY-NC 4.0Sjå på dei ulike preparata under mikroskopet med låg forstørring. Auk forstørringa når du har fått eit skarpt bilete.
Ta gjerne bilete med mobiltelefonen gjennom okularet.
Kva strukturar i cella er ansvarlege for dei ulike fargane til ein paprika?
I tillegg til at dei gir farge, har disse strukturane andre cellefunksjonar. Gi ei skildring av dei ulike funksjonane.
I kva for nokre eukaryote celler finn vi desse celleorganellane?
Forklar kvifor det ikkje dreier seg om ulike paprikaartar, men om den same frukta.
Kvifor er umodne frukter hovudsakleg grøne mens modne frukter har farge?
Tenk på ei frukt. Finn ut kva for ein cellestruktur som er ansvarleg for fargen til frukta du tenkjer på.
Forklar samanhengen mellom kromoplastar og årstida haust.
Relatert innhald
Plastidar er små organellar som finst i plantar og algar. Dei driv fotosyntese, lagrar kjemiske stoff og gir farge til bær og blomstrar.