Ei moderne datamaskin er avansert, med samansett teknologi som for dei fleste er vanskeleg å forstå korleis fungerer. Dei fleste nøyer seg med å berre akseptere at teknologien er der og fungerer. Som arbeider innan media og IT treng du litt meir djupne for å kunne gjere jobben din på ein god måte.

Datamaskinar kjem i mange variantar og utformingar. For vanlege brukarar er det mest vanleg med berbar datamaskin. Uavhengig av utforming har maskinane dei same hovudkomponentane. Kjennskap til dei gjer det lettare å forstå teknologien og gi grunnlag for å feilsøke og reparere.