I videoen høyrer du vertskapet på "Han Sylte" i Fauske fortelje om vertskapsrolla hos dei.
De kan jobbe med oppgåvene i små grupper.
Oppgåve 1: før filmen
Ein på gruppa skriv ned kva de tenkjer er dei viktigaste punkta for eit vertskap, sett frå både gjesten si side og bedrifta si side.
Diskuter opplevingar de har hatt med eit vertskap. Er det noko vertskapet gjorde som var spesielt bra eller spesielt dårleg?
Kva gjorde vertskapet som utgjorde ein forskjell for deg?
Diskuter kva de legg i omgrepet vertskapsrolle, og kvifor det har så mykje å seie for reiselivet.
Oppgåve 2: under filmen
Sjå filmen kvar for dykk.
Ta notat i løpet av filmen, de kan stoppe og spole når de vil.
Kva seier dei innleiingsvis om det å vere vertskap?
Kva punkt synest du er viktig?
Korleis blir gjestane ønskte velkomne til "Heimen"?
Korleis kan du formidle verdien av ein stad til gjestane, før, under og etter besøket?
Korleis avdekkjer "Han Sylte" behovet til gjestane?
Kva er vertskapet på "Han Sylte" på jakt etter når dei ser etter nye medarbeidarar?
Kva vil det seie å "vere på scenene" i vertskapsrolla?
Kvifor må du setje grenser for deg sjølv i vertskapsrolla?
Korleis kan du setje ein pris på vertskapsrolla?
Oppgåve 3: etter filmen
Sett dykk saman i gruppene.
Gå gjennom notata dykkar, ein og ein.
Diskuter likskapar og forskjellar i svara dykkar.
Bli einige om kva de tenkjer vertskapsrolla handlar om i slike reiselivsprodukt.
Refleksjon i fellesskap
Diskuter vertskapsrolla i klassa.