Oppgåve
Lag ein film om vertskapsrolla.
Samarbeid gjerne i grupper på tre. Medelevane er målgruppa. Filmen skal vare 3–5 minutt.
Del 1: forarbeid
Begynn planlegginga av korleis filmen skal vere. Skal det til dømes vere ein forklaringsvideo om vertskapsrolla? Eller kanskje de vil lage ein film der de viser ulike scenario som kan oppstå når ein er i vertskapsrolla? Eller ein kombinasjon av desse?
Forslag til innfallsvinklar
I filmen kan de til dømes vise, forklare eller illustrere
kva som kjenneteiknar vertskapsrolla
konkrete forslag til korleis vi kan få gjestar til å kjenne seg velkomne og sette
vertskapet som ansiktet til bedrifta utetter
kva som blir meint med relasjonskompetanse og sosial kompetanse
kva som blir meint med servicekvalitet i vertskapsrolla
døme på ubehagelege situasjonar som kan oppstå, og korleis vertskapet kan handtere slike situasjonar
kva vertskapsrolla har å seie for planlegging og gjennomføring av ulike reiselivsaktivitetar
kor viktig det er med eit godt vertskap
De vel om de sjølve vil vere skodespelarar og spele rollene i filmen, eller om de til dømes vil nytte pinnedokker som "skodespelarar". Nedanfor er nokre tips til korleis de eventuelt kan bruke pinnedokker i filmproduksjonen.
Del 2: lage manus og storyboard
De skal ha ein plan for filmprosjektet. Lag eit manus før de går i gang med å lage eit storyboard som beskriv korleis filmen skal sjå ut, og som viser scenene de vil ha med.
I artikkelen nedanfor får de ei innføring i korleis de formar ut eit storyboard.
Relatert innhald
Del 3: lage filmen
Gjer opptak.
Formgi eventuelt visuelt materiale.
Ver nøye med at de får gode lydopptak.
Rediger og set saman.
Sjekk at tempoet er passande.
Legg eventuelt på ein vignett.
Sørg for at filmen treffer målgruppa og gir eit læringsutbyte.