Oppgåver til filmen "Godt vertskap"

Sjå filmen, og ta notat undervegs.

Korleis forklarer Märit Torkelson ordet vertskap?

I filmen seier Märit Torkelson:

• "Vertskap er ei haldning – ikkje ei stilling."

• "Ein kan sjå på vertskap som ein muskel ein kan trene."

• "Omtanke er hjartet til vertskapet."

Forklar kva Märit Torkelson meiner med kvar av desse utsegnene.

Beskriv korleis vertskapsrolla kan utøvast i praksis, og gi konkrete døme frå filmen.

Gjer greie for kvifor det er viktig å vere eit godt vertskap.

Drøft påstandane:

• "Resepsjonisten har den viktigaste oppgåva på eit hotell."

• "Eit godt vertskap er det viktigaste konkurransefortrinnet for ulike reiselivsaktivitetar."