Oppgåve
Fiskeguiden
Å leggje til rette for samspel mellom kundar er ei viktig oppgåve for guidar, sjåførar og andre som skal leie grupper i reiselivet. Dette skal du øve deg på her.
Bilete: Kyrre Lien / CC BY-NC-SA 4.0
Sjå fimen om fiskeguiden Odd her (Youtube): Fiskeguiden
- Filmen viser at ikkje alle er like interesserte i fiske. Vurder korleis Odd løyste utfordringa med at gjestene har ulike behov og forventingar.
- Ta utgangspunkt i det første møtet mellom Odd og gjestene. Kva for nokre mål meiner du Odd burde ha sett seg for det første møtet med gjestene?
- Odd nekta ein alkoholpåverka mann å vere med på turen. Kva synest du om måten Odd løyste denne situasjonen på?
- Kva burde Odd ha gjort om mannen ikkje aksepterte at han ikkje fekk vere med?
- Gå saman med eit par medelevar og lag eit rollespel som viser korleis de ville handtert det første møtet med gjestene.
- Odd ønskte å starte turen så raskt som mogleg. Kva kunne han ha gjort for å unngå at enkelte opplevde dette som tidspress?
- Ein av gjestene ønskte å ha med gitar. Korleis ville du ha handtert eit slikt ønske?
- Før dei starta å fiske, hadde Odd ei lita informasjonsøkt. Kva bør vere målsetjinga for ein slik informasjon?
- Filmen viser ikkje korleis fisketuren blei avslutta. Korleis ville du ha avslutta fisketuren?
Relatert innhald
Fagstoff
Service blir skapt i samspelService blir kanskje aller mest kjenneteikna av at han involverer fleire menneske både i og utanfor vår eiga bedrift. Her får du nokre døme.