Ingen eigentlege heltar
I dei fleste filmforteljingar finst det ein eller fleire heltar. Helten, eller protagonisten, strevar seg gjennom hovudkonflikten for å nå det målet han eller ho har sett seg. I Pulp Fiction finn vi ingen tydelege heltar. Karakterane består stort sett av skurkar med tilhøyrande kvinner. Alle mennene har eitt eller fleire brotsverk på samvitet. Enkelte er berre småskurkar. Andre ragar høgre opp på rangstigen i forbrytaruniverset.
Konfliktar mellom skurkar
Konfliktane i filmen går primært føre seg mellom skurkane. I historia på kaféen er det ein konflikt mellom småtjuvane Pumpkin og Honey Bunny og Jules og Vincent, som er handlangarane til mafiabossen. Tjuvane ønskjer å tileigne seg kofferten til Marsellus, som Jules og Vincent nettopp har fått tak i frå nokre andre tjuvar som dei nett har avretta. Kofferten er fylt med gull og pengar.
Boksaren Butch kjem i konflikt med gangsterbossen Marsellus, fordi han ikkje følgjer den ordren han har får. I scena mellom Mia og Vincent handlar konflikten i utgangspunktet om at Vincent ikkje må rote seg bort i Mia fordi ho er kona til sjefen.
Vendepunktet
Ein fellesnemnar i alle historiene, bortsett frå prologen og epilogen i rammeforteljinga, er redsla for ikkje å behage den frykta og autoritære sjefen Marsellus. Vendepunktet i filmen er derfor når den store mafiabosssen blir utsett for overgrep og audmjuka.
Vendepunkt Pulp fiction - Buch&Marcellus
NB! Klippet er valdeleg og bør derfor ikkje brukast i undervisning av elevar under 18 år.