Oppgåve 1. Utforsk kva som eksisterer
I desse oppgåvene skal du utforske kva verda består av ifølge ein religion eller eit livssyn. Vel eit trus- eller livssynssamfunn og svar på oppgåvene under:
Kva er det som verkeleg eksisterer ifølge dette trus- eller livssynssamfunnet?
Ofte kjem synet på kva som verkeleg eksisterer til utrykk i bygningar, kunst, ritual, levereglar og etikk i ulike religionar. Finn nokre konkrete døme på dette.
Korleis kjem dette trus- eller livssynssamfunnet fram til eit svar på kva som verkeleg eksisterer? Kva er kjeldene til innsikt? Er det til dømes heilage tekstar, openberringar, personlege erfaringar eller vitskap?
Tips til kjelder
Ulike religionar om kva som verkeleg eksisterer:
Artikkel: Sikhismen – verdsbilete
Artikkel: Hinduismen – verdsbilete og menneskesyn
Artikkel: Buddhisme – verdsbilete
Artikkel: Islam – lære og skrifter
Artikkel: Kristendommen – verdsbilete og menneskesyn
Temasider om ulike religionar:
Oppgåve 2. Kjelder til kunnskap om eksistensielle spørsmål
I denne oppgåva skal du samanlikne ulike tilnærmingar til eksistensielle spørsmål:
Kva for kjelder blir brukt til å svare på eksistensielle spørsmål i filosofi?
Kva for kjelder blir brukt til å svare på eksistensielle spørsmål i religion?
Diskuter kva som er likskapane og forskjellane mellom filosofiske og religiøse tilnærmingar til eksistensielle spørsmål.
Tips til kjelder
Fordjuping:
Utforsk korleis Platons filosofi var med på å påverke fleire delar av verkelegheitsbiletet til kristendommen.