Oppgåve
Diskuter: Kva eksisterer?
Kva er det som verkeleg eksisterer? Er det berre det fysiske vi ser rundt oss som eksisterer i verda, eller finst det også noko anna? Finst det til dømes gudar, ånder eller krefter vi ikkje kan sjå? Består mennesket berre av ein fysisk kropp, eller har vi også ei sjel?
Kva er det som verkeleg finst rundt oss? Bilete av stjernetåka Tarantula som ligg 160 000 lysår frå jorda. Bilete: ESO/R. Fosbury / CC BY 4.0
Samanlikn det du har valt i oppgåva over med vala til ein annan elev. Kva var likt, og kva var ulikt?
Diskuter i grupper:
Korleis kan vi finne svar på kva som verkeleg eksisterer? Kva for ulike metodar og kjelder kan vi bruke? Finn minst tre ulike døme.
Er det vanskeleg å finne svar på kva som verkeleg eksisterer? Kvifor? Kvifor ikkje?