Forprosjekt: fordjuping og presentasjon i klassen
Føremål
Føremålet med forprosjektet er å få betre innsikt i moglegheiter, risiko og etiske spørsmål knytte til CRISPR-teknologien.
Gruppeoppgåve
Dann grupper på 2–4 elevar. Diskuter dei ulike moglegheitene som genredigering gir, og vel eit forskingsprosjekt innan genredigering med CRISPR som de vil finne ut meir om.
Søk etter informasjon. Sjå tips til ressursar nedst på sida. Drøft i gruppa, og noter det som kan hjelpe resten av klassen med å få innsikt i det de har jobba med.
Presentasjon
Når de presenterer forprosjektet for klassen, må de reflektere over både moglegheitene som teknologien gir, risikoen han medfører, og etiske aspekt som er relevante. Bruk visuelle hjelpemiddel som plansje, animasjon, presentasjon eller liknande.
Når alle har fått innsikt i moglegheiter og utfordringar ved CRISPR-teknologien, kan de gjere oppgåva nedanfor og drøfte prioriteringar.
Relatert innhald
Nettside hos bioteknologiradet.no