Kunnskapane dine om ulike sjukdommar saman med observasjonar av allmenntilstanden til brukaren er ofte avgjerande for å avdekkje symptom på sjukdom eller skade og for å kjenne igjen teikn på forverring. Du må òg kunne foreslå tiltak og delta i behandling og grunnleggjande sjukepleie.

Muskel- og skjelettsystemet blir òg kalla rørsleapparatet, og det består av musklar, knoklar, ledd, sener og nervar. Smerter, ubehag eller nedsett funksjon i rørsleapparatet blir kalla muskel- og skjelettplager, og dette er ei av dei vanlegaste årsakene til sjukefråvær på norske arbeidsplassar.