Kunnskapane dine om ulike sjukdommar saman med observasjonar av allmenntilstanden til brukaren er ofte avgjerande for å avdekkje symptom på sjukdom eller skade og for å kjenne igjen teikn på forverring. Du må òg kunne foreslå tiltak og delta i behandling og grunnleggjande sjukepleie.

Fordøyingssystemet består av mange ulike organ som har som oppgåve å bryte ned næringsstoffa i maten vi et, slik at kroppen kan få tilførsel av energi. Fordøyingssystemet har òg ein viktig funksjon når det gjeld utskiljing av avfallsstoff som kroppen ikkje treng.