Kunnskapane dine om ulike sjukdommar saman med observasjonar av allmenntilstanden til brukaren er ofte avgjerande for å avdekkje symptom på sjukdom eller skade og for å kjenne igjen teikn på forverring. Du må òg kunne foreslå tiltak og delta i behandling og grunnleggjande sjukepleie.

Respirasjonssystemet består av øvre og nedre luftvegar som transporterer luft til og frå lungene når vi pustar inn og ut. Sjukdom i respirasjonsorgana kan gi svikt i opptaket av oksygen eller utskiljinga av karbondioksid, noko som i verste fall kan føre til fatale konsekvensar.