Kunnskapane dine om ulike sjukdommar saman med observasjonar av allmenntilstanden til brukaren er ofte avgjerande for å avdekkje symptom på sjukdom eller skade og for å kjenne igjen teikn på forverring. Du må òg kunne foreslå tiltak og delta i behandling og grunnleggjande sjukepleie.

Demens er ei fellesnemning på ulike sjukdommar eller skader i hjernen. Talet på personar som får demens, aukar kraftig, og vi har derfor laga eit eige emne om dette temaet. Demenssjukdom høyrer til sjukdommar og skadar i nervesystemet.