Individuelle oppgåver
Kvifor er det ein fordel for ein pasient med demenssjukdom å ha eit avgrensa tal på personar å ta omsyn til?
Korleis kan vi bidra til å gjere brukarar med demens trygge når vi hjelper dei med personleg hygiene?
Kva kan vi som helsefagarbeidarar gjere for at personar med demens skal oppleve livsglede og sjølvrespekt?
Kva kan vere årsaka til at ein pasient med demens kan bli aggressiv under stell?
Nokre menneske med demens har problem med å orientere seg. Gi døme på tiltak for å hjelpe pasientane med dette på praksisstaden din.
Gi døme på aktivitetar som kan verke roande på menneske med demenssjukdom.
Kvifor bør vi unngå at tv eller radio står høgt på i rom der menneske med demenssjukdom oppheld seg?
Kva betyr ordet reminisens? Korleis kan ein nytte reminisens?
Forklar kvifor fysisk aktivitet er bra for menneske med demens.
Kva energibehov har menneske med demenssjukdom?
Nokre menneske med demens gløymer å ete og drikke eller opplever ikkje lenger svolt- og mettekjensle. Kva kan det føre til?
Gi døme på kva omsyn det er viktig å ta når vi kommuniserer med menneske med demens. Grunngi døma dine.
Etter kvart som den demente blir sterkare prega av sjukdommen, vil han eller ho ha behov for bistand til til dømes å forvalte økonomien sin. Mange får utnemnt ei hjelpeverje. Kva er ei hjelpeverje, og korleis blir ei hjelpeverje utnemnt?
Gruppeoppgåve
Utforsk aktivitets- og støttetilbodet som finst for personar med demens og deira pårørande i kommunen der de bur. Lag ei oversikt over dei ulike tilboda, både offentlege og frivillige.
Bruk internett eller oppsøk ein av stadene viss det er mogleg, for å innhente informasjon til ein digital presentasjon de skal vise i klassen. Presentasjonen bør innehalde informasjon om
kva tenester som blir tilbodne, og for kven
korleis ein får tilgang på tenestene
kor mange som nyttar seg av tilbodet, og samansetjinga med tanke på alder og kjønn
kva yrkesgrupper som jobbar der
Grunngi kvifor det er viktig at de som helsefagarbeidarar har god innsikt i det lokale aktivitets- og støttetilbodet som finst for personar med demens og dei pårørande.