Kunnskapane dine om ulike sjukdommar saman med observasjonar av allmenntilstanden til brukaren er ofte avgjerande for å avdekkje symptom på sjukdom eller skade og for å kjenne igjen teikn på forverring. Du må òg kunne foreslå tiltak og delta i behandling og grunnleggjande sjukepleie.

Sirkulasjonssystemet består av hjartet og blodårer som fraktar oksygen og næringsstoff ut til cellene og avfallsstoff vekk frå cellene. Sjukdommar i sirkulasjonssystemet blir ofte kalla hjarte- og karsjukdommar.