Hopp til innhald

Oppgåver og aktivitetar

Førebygging og behandling av obstipasjon

Obstipasjon eller forstopping kan vere både ubehageleg og vondt. Mange blir betre av å ete fiberrik mat, drikke rikeleg med væske og regelmessig mosjon. Nokre gonger kan nyoppstått forstopping vere eit teikn på alvorleg sjukdom. Her har du moglegheit til å jobbe med obstipasjon på ulike måtar.
Mann sit på toalettet. Foto.
Opne bilete i eit nytt vindauge
Kjenneteikn på obstipasjon (forstopping) er at du har vanskar med å få ut avføringa, eller at du går sjeldnare på toalettet enn normalt. Nokon er òg plaga med hard avføring, oppblåst mage eller smerte/ubehag ved eliminasjon.
CC BY-NC-SA
Bilete: Panther Media

Spørsmål

  1. Kva er vanlege årsaker til obstipasjon?

  2. Kva er symptom på obstipasjon?

  3. Kva behandling kan bli gitt ved obstipasjon?

  4. Kva for nokre alvorlege sjukdommar kan obstipasjon vere teikn på?

  5. Pasienten kan bli klam og sveitt når vedkommande er alvorleg obstipert. Kva kan vere grunnen til dette?

Lag undervisningsopplegg

Lag eit undervisningsopplegg for elevar på vg1 helse- og oppvekstfag om obstipasjon/forstopping. Bruk gjerne film, teikningar og bilete som viser det du vil formidle, og lag gjerne oppgåver og utfordringar til elevane.

Undervisningsopplegget kan innehalde informasjon om:

  • kva obstipasjon er

  • normal fordøyingsprosess

  • optimal sitjestilling når du skal ha avføring

  • årsaker til obstipasjon

  • sjukdomstilstandar og medisinar som kan gi forstopping

  • symptom ved obstipasjon

  • behandling ved obstipasjon, eigentiltak

  • kva matvarer som inneheld fiber (vis gjerne bilete eller ha med konkretar), og kva matvare som inneheld mest fiber

  • svisker, væske og fysisk aktivitet

  • bristol-skalaen (bruk gjerne bilete), og forklar korleis avføring skal sjå ut

Obstipasjon, rett eller gale

CC BY-SASkrive av Birgit Flaten, Wenche Heir og Siv Stai. Rettshavar: Amendor AS
Sist fagleg oppdatert 06.05.2022

Læringsressursar

Sjukdom og plager i fordøyingssystemet