Politiattest

Politiattest er ei erklæring frå politiet som stadfestar at du ikkje er sikta, tiltalt eller dømd for seksuelle overgrep mot barn og unge. Barnehagar, skular, SFO og bustader for barn og unge har ansvaret for tryggleiken til dei unge. Det blir stilt strenge krav til den som skal ha ei omsorgsrolle og tillitsposisjon overfor barn og unge. Reglane om politiattest finn du i alt lovverk knytt til den institusjonen du jobbar i. Lova skal redusere risikoen for overgrep og gi allmenta tillit til at tryggleiken til barna blir vareteken.

På nettsida til politiet finn du ut korleis du søkjer om politiattest. Du kan berre søkje for deg sjølv, og politiattest er berre gyldig i tre månader. Når du søkjer, må du leggje ved ei stadfesting på føremålet med søknaden. Arbeidsgivar eller oppdragsgivar skal gi deg ei ferdig utfylt stadfesting på føremålet med søknaden. For elevar i vidaregåande skule er den staden der du skal ha praksis, som er oppdragsgivaren din. Viss du er under 18 år, må føresette skrive under.