I etikken reflekterer vi over korleis vi bør handle, og korleis vi burde leve. I dette emnet finn du ei beskriving av kva etikk er og ei innføring i viktige etiske omgrep og modellar. I tillegg får du fagstoff om ulike etiske problemstillingar du kan utforske og drøfte.

I dag er det brei einigheit, på tvers av ulike religionar og livssyn, om at vi alle har eit grunnleggjande menneskeverd. Men kva er det som gir mennesket verdigheit, og korleis respekterer vi menneskeverdet i møte med nye teknologiske endringar?